Grusame ongeluk eis vyf in middestad

Een van die insittendes van die grusame motorbotsing wat Vrydagoggend op die hoek vanThabo Mbeki en Landdros Maréstraat tussen ‘n Toyota Corolla en ‘n Volkswagen Golf plaasgevind het, is reeds uit die hospitaal ontslaan terwyl twee ander beseerdes steeds in ‘n ernstige toestand verkeer.
Drie persone in die City Golf het gesterf en een is ernstig beseer terwyl twee persone in die Toyota Corolla dood en twee beseer is. Geen liggaam is nog uitgeken nie.
Volgens ‘n ooggetuie het die Volkswagen Golf, wat glo in ‘n westelike rigting in Thabo Mbekistraat teen ‘n hoë snelheid gery het, die rooi verkeerslig verontagsaam en teen die Toyota Corolla, wat in ‘n suidelike rigting beweeg het, gebots.
Die ooggetuie het voorts beweer dat drank moontlik ‘n bydraende rol kon speel.

Storie: BARRY VILJOEN
>>barryv.observer@gmail.com