Hansies praat vir hul ‘n eersteplek los

Die senior-redenaars van Hoërskool Hans Strijdom het op 29 Julie tydens die Interhoër-redenaars by Hoërskool Piet Potgieter 'n eersteplek losgepraat en die juniors het 'n derdeplek verwerf.

August 17, 2015

Less than a minute

Nolene Booyse, Nico Genis, Johan Becker, Zarco Scherman, Stefan en Ruben Pretorius het 'n gedugte seniorspan gevorm tydens die interhoër-redenaars op 29 Julie en palm 'n eerste plek in.

MOKOPANE – Die senior-redenaars van Hoërskool Hans Strijdom het op 29 Julie tydens die Interhoër-redenaars by Hoërskool Piet Potgieter ‘n eersteplek losgepraat en die juniors het ‘n derdeplek verwerf.

In die junior-afdeling het Lee-Ann Denton ‘n derdeplek behaal in die onvoorbereide toesprake en Skye Bester spog met ‘n derdeplek in die voorbereide Engelse afdeling.

In die senior-afdeling behaal Zarco Scherman ‘n gesogte eersteplek en Johan Becker ‘n derdeplek in die voorbereide-afdeling terwyl Stefan Pretorius ‘n derde plek opraap in die onvoorbereide-afdeling.

Nolene Booyse, Nico Genis, Johan, Zarco, Stefan en Ruben Pretorius het ‘n gedugte span gevorm en spog met die trofee as seniorwenners van die redenaars-interhoër vir 2015.