HPP-juniors praat titels los
Hoërskool Piet Potgieter (HPP) se redenaar-groentjies het onlangs tydens die interhoër-redenaarskompetisie op eie bodem gewys dat hul klein maar wel getryn is .
MOKOPNAE – Hoërskool Piet Potgieter (HPP) se redenaar-groentjies het onlangs tydens die interhoër-redenaarskompetisie op eie bodem gewys dat hul klein maar wel getryn is en spog met die titel as die beste juniorspan van die dag.
Ijanke Steyn spog met ‘n tweede plek in die junior voorbereide-afdeling, in die onvoorbereide-afdeling praat Kinna Wessels ‘n eerste plek los en Anria Kruger ‘n tweede plek. Kinna word algeheel gekroon as die beste junior Afrikaansspreker.
René Buitendag, Ijanke, Anria, Kinna, Mmotegi Motiba en Mariam Cassim het ‘n hond uit ‘n bos gepraat en verower die titel as beste juniorspan.
HPP raap ‘n gesogte algehele tweede plek op met Hoërskool Ben Viljoen van Groblersdal in die eersteplek en Hoërskool Frikkie Meyer van Thabazimbi in die derdeplek.
