Matrieks pronk en kuier by afskeid se “Midnight Carnival”
Stylvol, glansryk en onvergeetlik is in kort 'n opsomming van Hoërskool Piet Potgieter (HPP) se "Midnight Carnival" matriekafskeid verlede Woensdagaand.
MOKOPANE – Stylvol, glansryk en onvergeetlik is in kort ‘n opsomming van Hoërskool Piet Potgieter (HPP) se “Midnight Carnival” matriekafskeid verlede Woensdagaand waar die seuns hul oomblik in die kollig agter die stuur van ‘n droom motor kon uitleef en die meisies die aandag in hul elegante aandrokke op die rooi tapyt geniet het. Familie en vriende het met groot opgewondenheid die glanspare ingewag met kameras reg om dié oomblik vir ewig vas te vang. Die aand het bygedra tot vele hoogtepunte en soete herinneringe vir die matrieks van 2015, asook vir skoolhoof Jas Hansen wat saam met die gr. 12’s vanjaar die skool vir ‘n nuwe lewenshoofstuk verlaat.
“Dit voel soos gister wat hierdie groep leerders as groentjies vir die eerste keer in 2010 deur HPP se hekke gestap het en oor die vyf jaar het elkeen duidelik hul stempel op verskillende gebiede by die skool afgedruk. Dit is waarlik ‘n voorreg om saam met hulle te kon skryf aan hul hoërskoolhoofstuk. Die eindeksamen lê nou voor en ons groet hierdie groep met groot verwagtinge vir die toekoms,” het Hansen gesê.
Die skare het behoorlik gejuig toe die stylvolle paartjie, Katlego Maluleka en Joyce Masenya, hul verskyning op die rooi tapyt maak.
Lané du Plessis en Hean de Jager steel die kollig in hulle elegante aanddrag.
Twee van die skool se sportuitblinkers, Colin Steyn en Miral Honiball, maak hul verskyning en sorg vir ‘n groot applous.
Marina Vorster en Adie du Toit (onderhoofseun) groet die skare.
Die gr. 11’s het vrolik gepronk in karnaval-klere en maskers om die tema deur te trek.
Die skare het bankvas gesit en kyk hoe die gr. 12 glanspaartjies opdaag en op die rooi tapyt pronk.
Die saal is prettig getooi vir ‘n onvergeetlike “Midnight Carnival”.
Die fotohoekie waar daar vir oulaas mooi oomblikke vasgelê is.
Misha Peens en Jan-Dirk van Eck het ‘n elegante en romantiese prentjie op die rooi tapyt gevorm.
Soretha Kruger (hoofmeisie) in haar glansrok en Jarik van der Walt in ‘n klassieke swart pak stap soos twee styl ikone op die rooi tapyt.
Stephan Oosthuizen en Micheala Byliefeldt is ‘n spogpaartjie in blou en swart.
Dawid Malan en Chrisna Malan is ‘n toonbeeld van klassieke elegansie.
Arno van der Merwe en Danel Venter pronk soos Hollywoodsterre op die rooi tapyt.
Gideon van der Walt (hoofseun) en Jana Kirchner steel harte met hul aankoms.
