Twee geliefde inwoners sterf in botsing net buite Roedtan

Frikkie Meyer (57), sy hond, Lucky, en Pieter De Beer (51), het Saterdagaand sowat 10 km buite Roedtan verongeluk.

October 9, 2015

Jolandi Fourie 1 minute read

Frikkie Meyer, 'n jarelange inwoner van Mokopane en sy hond, Lucky, is Saterdagaand in 'n tragiese ongeluk oorlede. Meyer sal altyd onthou word vir sy goeie hart en onselfsugtige dade.

MOKOPANE – Frikkie Meyer (57), sy hond, Lucky, en Pieter De Beer (51), het Saterdagaand sowat 10 km buite Roedtan verongeluk.

Meyer en De Beer (bekend as Pote) was op pad terug na Mokopane vanaf ‘n rugby-reünie in Groblersdal toe Meyer buite Roedtan beheer oor sy voertuig verloor het.

Volgens kol. Ronel Otto, polisiewoordvoerder van Limpopo, word vermoed dat ‘n band gebars het en dat Meyer toe beheer oor die voertuig verloor het. ” ‘n Volledige ondersoek word tans gedoen”.

De Beer se roudiens vind vandag (Vrydag) om 11:00 vanaf die Nederduitsch Hervormde Kerk op Groblersdal plaas en Meyer se begrafnis vind vandag (Vrydag) om 12:00 vanaf hul kleinhoewe (plot 36) plaas.

Boveld het met die familielede en vriende van altwee die manne gepraat. Lees meer in Bosveld Review