Piet Potgieter ouetehuis vra help met die volgende benodighede

Die Piet Potgieter ouetehuis vra die gemeenskap om te help met die volgende benodighede waaraan daar ‘n behoefte is:

Kantoor: fotostaatpapier, swart penne, rekkies, geldpennetjis, permanente swart merkpenne.

Werkswinkel: skroewedraaiers nommer 8 – 17, gloeilampe, toiletsitplekke,verlengkoorde van 2 tot 5 m en moersleutels (spanners).

Kombuis: telepels, koekvurkies, groot sif, glas waterbekers, groot opskeplepels, eierspaan, glase, koffie, tee, suiker, rys, tamatiesous, konfyt, marmite, melk, vlapoeier, blikkies Pilchards vis, boeliebeef, tuna, vars vleis, groente en vrugte.

Huishoudelik: kamme en borsels, haardroërs, sjampoe, tandepaste, lyfroom, weggooibare skeermesse, skeerroom, waslappe, toiletpapier, seeppoeier, kussings, handdoeke en komberse.

Apteek: pynpille soospanado’s en stilpyn, Citro Soda, Ciprogen, Vicks, Lenovate, Supiriban salfm, prep, Dulcolax setpille vir volwassenes en tablette, Mucaine, Simvastatin, breë spektrum antibiotika.

Stokperdjie artikels: wol en breinaalde, krale, hekelgare, penne en knope.