Motorreuse in bloedskenkvete
Volkswagen Polokwane het Dinsdag in samewerking met die SANBS ‘n bloedskenkkliniek op hul perseel aangebied en oë laat rek met die hoeveelheid bloed wat die span gesamentlik geskenk het. Die motorhandelaar het hul klante, bure en sakekennisse uitgenooi om ook tydens hierdie geleentheid te skenk. Skakelbeampte van die SANBS, Dottie Pinn sê Dinsdag se skenking …
Volkswagen Polokwane het Dinsdag in samewerking met die SANBS ‘n bloedskenkkliniek op hul perseel aangebied en oë laat rek met die hoeveelheid bloed wat die span gesamentlik geskenk het.
Die motorhandelaar het hul klante, bure en sakekennisse uitgenooi om ook tydens hierdie geleentheid te skenk.
Skakelbeampte van die SANBS, Dottie Pinn sê Dinsdag se skenking was die grootste wat hulle nog van hierdie motorhandelaar gekry het en het die doelwit van 20 eenhede oorskry.
Die presiese aantal eenhede wat geskenk is kan nie bekend gemaak word nie, aangesien Volkswagen die span van Limpopo Toyota uitgedaag het om te sien wie die meeste skenk. Limpopo Toyota se bloedskenkveldtog vind môre (Vrydag) plaasvind.
Megan Bosman van BMW Polokwane Dinsdag in die skenkerstoel by Volkswagen Polokwane se bloedskenkkliniek.
LEANDRI VAN SCHALKWYK
>>leandri.observer@gmail.com
