Kruinie-voorsmaak van ATKV Tienertoneel-kompetisie
Ouers en gaste het verlede Donderdagaand geleentheid gehad om twee van Curro Heuwelkruin se verhoogproduksies te sien. Nicole Senekal, regisseur, het die produksies vir die ATKV Tienertoneel-kompetisie ingeskryf wat jaarliks plaasvind om ‘n liefde vir Afrikaanse toneelspel by hoërskoolleerders te kweek. Die talentvolle Kruinies neem op 18 Augustus aan die Gauteng-Wes streekkompetisie deel. Die eerste …
Ouers en gaste het verlede Donderdagaand geleentheid gehad om twee van Curro Heuwelkruin se verhoogproduksies te sien.
Nicole Senekal, regisseur, het die produksies vir die ATKV Tienertoneel-kompetisie ingeskryf wat jaarliks plaasvind om ‘n liefde vir Afrikaanse toneelspel by hoërskoolleerders te kweek.
Die talentvolle Kruinies neem op 18 Augustus aan die Gauteng-Wes streekkompetisie deel.
Die eerste produksie, ‘Be my Baby’ gaan oor tienerswangerskap, toe dit nog ‘n taboe-onderwerp was. Dit speel in 1960 in ‘n tehuis vir ongetroude tienermoeders af waar verskillende emosies en besluite oor die onderwerp aangespreek word.
‘Groter Vryheid’ handel oor ‘n seun se gesprek met sy prokureur nadat hy in die tronk beland as gevolg van dwelmmisbruik en dronkbestuur.
“Ek is bevoorreg om weer met soveel talent te werk en beide produksies beteken vir my persoonlik baie,” sê Senekal.
Storie: RC Myburgh
>>rc.observer@gmail.com
Hooffoto: Divan du Bruyn vertolk die rol van die seun wat vir dronkbestuur en dwelms toegesluit is.
