Verskeie van Marné Ebersohn Akademie se leerders het in buitemuurse aktiwiteite uitgeblink en gewys dat dié skool nie net akademiese uitblinkers kan lewer nie.
Maegan Gilburt en Rochelle Gilburt ontvang onderskeidelik 'n vierde en derde plek vir modelwerk by die Summer Spring Festival.
POLOKWANE – Maegan en Rochelle Gilburt het onlangs hul modelwerk tydens die Summerstar Sping Festival ten toon gestel waar Rochelle ‘n derde plek en Maegan ‘n vierde plek opgeraap het.
Heinrich Meyer het na sy deelname aan die o/13 BCVO Suid-Afrikaanse krieketproewe ‘n plek in die B-span losgeslaan.
Herman Nieman het waarlik gewys wat steek in die gesegde klein maar getrein toe hy tydens die Suid-Afrikaanse Skopbokskampioenskappe in Kaapstad ‘n vierde plek in die o/7-kategorie verower het.
Tydens die onlangse Suid-Afrikaanse Misty Meadows Dressing vir perdry het Heinrich Jannasch 58% behaal en ‘n 13de plek opgeraap.
Michaela Partridge het by die Penpritte sentrum vir perdry deelgeneem waar sy twee eerste plekke en twee tweede plekke verower het.
Herman Niemann spog met ‘n vierde plek wat hy tydens die Suid-Afrikaanse skopbokskampioenskappe in die o/7-kategorie verwerf het. Regs: Heinrich Meyer slaan ‘n plek in die Suid-Afrikaanse BCVO o/13B-krieketspan los.
Heinrich Jannasch en Michaela Partridge is ruiters van formaat. Dié twee ruiters het onlangs onderskeidelik aan die Suid-Afrikaanse Misty Meadows Dressing en die Penpritte ryskoolkompetisies deelgeneem.
Heinrich Meyer slaan ‘n plek in die Suid-Afrikaanse BCVO o/13B-krieketspan los.
