Noordskool-trollieresies laaste opskop voor eksamen begin
Die netbalbane van Laerskool Pietersburg-Noord Primary (Noordskool) is Vrydag in ‘n renbaan omskep waar leerders vir die jaarlikse trollieresies aangetree het. Die pretaktiwiteit het aan leerders geleentheid gegee om van oortollige energie ontslae te raak en die bloed te laat pomp voordat die eksamen in alle erns begin. Elke graadgroep het vier spanne ingeskryf en …
Die netbalbane van Laerskool Pietersburg-Noord Primary (Noordskool) is Vrydag in ‘n renbaan omskep waar leerders vir die jaarlikse trollieresies aangetree het.
Die pretaktiwiteit het aan leerders geleentheid gegee om van oortollige energie ontslae te raak en die bloed te laat pomp voordat die eksamen in alle erns begin.
Elke graadgroep het vier spanne ingeskryf en die leerders kon as individue of in groepe agter die trollies inskuif. Omdat die klem op pret geval het, is geen wenners aangewys nie.
Skoolhoof, Attie Visagie het as ‘n baanbeampte opgetree en sy hande vol gehad om die deelnemers se opgewondenheid te beteuel en moes ook help om die jonger deelnemers touwys te maak.
“Die resies was ‘n groot sukses, want die leerders het dit oneindig baie geniet. Deelnemers het na die inspanning in die skool se swembad afgekoel,” het Visagie gesê.
Storie en foto’s: BARRY VILJOEN
>>barryv.observer@gmail.com
Hooffoto: Skoolhoof, Attie Visagie lei graad 1-leerders om die baan om hulle vertroud met die roete te maak.
