VLU Naboomtak vier 70 jaar

Getooi met prag hoede en handsakke uit toentertyd het die vroue van die Vrouelandbou-unie op Mookgophong onlangs opgedaag om dié tak se 70ste verjaardag in styl te vier saam met presidente, oud presidente en ander lede.

December 12, 2016

Less than a minute

VLU lede wat die unie oor die jare heen met trots verteenwoordig is voor: Lulu Breytenbach, Louise Groenewald, Agter: Anette Law, Cathy Muller, Caren Velthuysen, Rita Pienaar, Marthie van der Walt, Rita Roux, Sarie Lancaster en Leanda le Cornu.

MOKOPANE – Die spog ‘high tea’ is in die SPIF Chickenraadsaal gehou waar daar in fyn porselein eet- en drinkgoed voorgesit is. Die taklede het hulle kompetisie-atikels wat hulle oor die jare heen gemaak het, ook kom uitstal.

Retha Prinsloo, gewese VLU Noord President, het vir die vroue vertel hoe die Naboomtak in 1946 in die Naboom Hotel op die been gebring is met 11 lede. Die ouderdom van die vroue het gewissel tussen 25 en 75 jaar oud. Die VLU was deur die jare by talle projekte betrokke en op kongresse was sake soos aanranding op kinders, sensuur, padveiligheid en naskoolsentrums onder die vergrootglas.