Kremetart-rugbyspan pronk in nuwe baadjies
Die o.13-rugbyspan van Jakaranda Jeugklub het verlede Donderdag 22 rugbybaadjies van Pansolutions ontvang. Die baadjies is tydens Akademie Reformia se sportdag aan die spanlede oorhandig net voor hulle teen die span van Euphorbiaskool van Mookgophong op die veld gedraf het. Jakaranda Jeugklub-bestuurslid, Sandra Slabbert, het gesê dat die skenking baie welkom is. “Ons is nie …
Die o.13-rugbyspan van Jakaranda Jeugklub het verlede Donderdag 22 rugbybaadjies van Pansolutions ontvang.
Die baadjies is tydens Akademie Reformia se sportdag aan die spanlede oorhandig net voor hulle teen die span van Euphorbiaskool van Mookgophong op die veld gedraf het.
Jakaranda Jeugklub-bestuurslid, Sandra Slabbert, het gesê dat die skenking baie welkom is.
“Ons is nie deel van ‘n skool nie, maar ‘n onafhanklike klub wat gestig is om jong rugbyspelers te akkommodeer wat buite skoolverband wil rugby speel. Ons verwelkom graag nuwe entoesiastiese spelers wat by ons wil aansluit,” sê Slabbert.
Slabbert se man, Jan, is een van die klubafrigters wat ook as skeidsregter gekwalifiseer is.
Vir meer inligting kan die klub by 083 483 7069 geskakel word.
Storie en foto: BARRY VILJOEN
>>barryv.observer@gmail.com
