‘Jou kreatiwiteitsvlak is enigste beperking’
Sowat 39 geesdriftige kursusgangers het Saterdag ‘n krytverf (chalk paint)-kursus by Paint Pot Polokwane bygewoon wat hul terdeë geniet het. Jodi Panino wat die kursus namens O’ Grady’s Paints aangebied het, het drie verftegnieke aan kursusgangers geïllustreer wat hulle op twee fotorame moes aanbring. “Jul verbeelding, of gebrek daaraan is jul enigste beperking. Geniet julself …
Sowat 39 geesdriftige kursusgangers het Saterdag ‘n krytverf (chalk paint)-kursus by Paint Pot Polokwane bygewoon wat hul terdeë geniet het.
Jodi Panino wat die kursus namens O’ Grady’s Paints aangebied het, het drie verftegnieke aan kursusgangers geïllustreer wat hulle op twee fotorame moes aanbring.
“Jul verbeelding, of gebrek daaraan is jul enigste beperking. Geniet julself en onthou niks is verkeerd nie. Wees individualisties en druk jul eie stempel af,” het Panino gesê, Sy meen krytverf is ‘n wonderverf wat op enige oppervlak aangebring kan word en byna geen voorbereiding verg nie.
Die verf, rame en materiaal waarmee gewerk is, is deur O’Grady’s Paints verskaf en Paint Pot Polokwane het die lokaal, keurige verversings en sap verskaf.
‘n Groot verskeidenheid O’Grady’s krytverf is by Paint Pot in Nikkelstraat, Nirvana beskikbaar.
Storie en foto’s: ELNA ESTERHUYSEN
>>observer.elna@gmail.com
