Loopbaanmoontlikhede by PHS onder die vergrootglas

Een van die grootste keuses wat ‘n tiener in sy lewe maak, bly ‘n loopbaankeuse.
Om hiermee te help, hou Hoërskool Pietersburg jaarliks ‘n loopbaanuitstalling sodat leerders en ouers vroegtydig kosbare inligting oor tersiêre- en privaatinstansies se loopbaanmoontlikhede kan bekom.
Die uitstalling is verlede Donderdag in die skoolsaal met ongeveer 50 uitstallers gehou wat van die geleentheid gebruik gemaak het om voormalige studente te werf.
PHS-skakelbeampte, Elmari Craig sê die uitstalling word jaarliks deur die lewensoriëntering-departement georganiseer en lok uitstallers regoor die land. “Plaaslike skole sowel as dié in die provinsie se graad 11- en 12-leerders maak van die geleentheid gebruik om vroegtydig ingeligte keuses oor hul naskoolse studies te maak.”

Storie en foto’s: RC Myburgh
>>rc.observer@gmail.com