Erica-kleuters leer van Hemelvaartdag

Opgewonde kleuters van Erica Pre-Primêre Skool het verlede Donderdagoggend met gespitste ore geluister toe skoolhoof Monja Groenewald hulle meer oor Hemelvaartdag vertel het.
Die kleuters is versoek om denimbroeke en wit T-hemde aan te trek skooltoe en het elkeen ‘n wit houtkruisie ontvang om aan te steek.
Balonne wat met helium gevul is, is ook losgelaat om die beeld van hoe Jesus opgevaar het na die hemel, tuis te bring.
Groenewald het aan die kleuters verduidelik dat hulle die houtkruisies moet dra om hulle daaraan te herinner om goed te doen aan ander en hul medemenslikheid te respekteer.

Storie en foto: BARRY VILJOEN
>>barryv.observer@gmail.com