POLOKWANE – Na 27 jaar neem Peet Bredenkamp afskeid van Laerskool Pietersburg. Die geliefde skoolhoof was omring deur vriende, familie en ander skoolhoofde tydens sy afskeid.
Sy ma kon ook op die ouderdom van 87 die spesiale dag saam met hom spandeer.
Sy sê dit is ‘n groot voorreg om haar kinders ook saam haar hier te kan hê en om te sien wat dit vir Peet beteken. “Ek is dankbaar dat ek gespaar is om op 87, die dag saam met my seun te kon deel,” vertel Annetjie Bredenkamp.
“Ek is trots op my seun vir dit wat hy in sy loopbaan bereik het. Die grootste voorreg was om te beleef dat die Christelike waardes en liefde vir God, wat ek en my oorlede man aan ons kinders geleer, geleef en geglo het, ook by Peet teenwoordig is en dat mense daarvan kan getuig,” spog sy.
Dit was vir haar ‘n dag van vreugde, maar ook hartseer. Sy weet hoe trots sy pa op hom sou gewees het, Peet se pa was vir hom ‘n groot rolmodel.
Verskeie van die personeel en ook die beheerliggaam het aan Bredenkamp wense van voorspoed uitgespreek op sy spesiale dag.
Een van langstaande onderwysers van PLS, Annelie Vertongen
Johan Wilkon bedank Peet Bredenkamp namens die PLS beheerligaam
Lees meer in dié week se Polokwane Review.
