POLOKWANE – Die inisiatiewe volg op die moorde van Lizette Deacon en haar ma, Hettie, wat verlede Donderdagmiddag in hul meenthuis in Welgelegen aangeval en ontvoer is. Nadat ‘n klopjag van stapel gestuur is, het die polisie op die R37 buite die stad op Lizette se voertuig afgekom. Op die toneel het die polisie op die vroue se liggame in die motor afgekom. Albei vroue het verskeie steekwonde opgedoen.

Tom Naudé het Maandag, 14 September swart klere en bykomstighede gedra om hulle misnoeë te wys. “Ons wil die boodskap uitstuur dat enige geweld onaanvaarbaar is, hetsy in die skool, stad, land of wêreld,” het Vanessa Kachelhoffer, Waarnemende Hoof van Tom Naudé aan Review gesê.

By Pietersburg Laerskool het Waarnemende Hoof, Jacques Bartlett, inisiatief geneem deur leerders toe te laat om vir die hele week swart bykomstighede aan te trek. “Hierdie twee mense was deel van ons gemeenskap en hulle was baie betrokke by die skool. Dit raak naby aan die huis, wanneer gebeur dit nie met jou eie vrou en kinders nie?” het hy gevra.  

Die inisiatief van beide skole was ook om ‘n standpunt in te neem teen alle geweld in die stad.  

Lees meer in vandeesweek se Polokwane Review.