Martin Bester kuier in Polokwane

POLOKWANE – Martin Bester en sy musiekgroep was verlede Vrydagaand in Polokwane waar hulle by Cheerz Pub & Grill opgetree het.

Johann du Toit was ook deel van die aand se verrigtinge.

Afgesien daarvan dat die elektrisiteit die gaste in die steek gelaat het, het dit kort voor die vertoning aangekom en kon die aand seepglad verloop.

Martin is ook bekend as omroeper van The Martin Bester Show op Jacaranda FM.

Anel Jansen van Vuuren, een van die gaste, sê die optrede was baie goed en hulle het die aand geniet.

“Dit was baie lekker om na die opvoering te kyk.”