By Oosskool leer leerders om nie net altyd te ontvang nie, maar ook terug te gee – nie noodwendig items nie, maar ook tyd.

Met die jaarlikse Mnr. en Mej. Oosskoolkompetisie word die hele skool betrek om aan ander, wat minder as hulle het, te gee.

Twee leerders uit elke gr. 7-klas word gekies as finaliste, en dié twee kry dan ‘n graadgroep wat saam met hulle werk om die projekte wat aan elke finalispaartjie toegeken is, te ondersteun.

Die finaliste vir 2025 was:

• William Robinson en Lumé Heinlein het saam met die gr. 1’s die Tough Living with Cancer (TLC) saal by die Pietersburg Provinsiale Hospitaal gehelp.

• Sebastian Malan en Truandie Bekker het saam met die gr. 2’s na die SAVF Martha Hofmeyr tehuis omgesien.

• Rikus van Heerden en Aingeal Flaherty het saam met die gr. 3-groep die kleuters by Small Beginnings se lewens makliker gemaak.

• Jandré Burger en Mia di Somma het saam met die gr. 4’s vir Ons Tuiste Ouetehuis se Shamley huis, ‘n nuwe baadjie aangetrek.

• Elrich de Waal en Lanica Brand en die gr. 5-klasse het Eeufeeshuis as projek gekry.

• Rossouw Roux en Jo-Ané Pieterse het met die hulp van die gr. 6-groep die babas by Ngwana Babahuis bederf.

• Marcel Kriel en Lisa Pieterse en die gr. 7’s het by die DBV betrokke geraak.

Die finaliste is reeds in Mei aangewys en hulle projekte moes teen 29 Augustus voltooi wees. Die take wat verrig is, sluit in plante plant, tyd deurbring by die babas en bejaardes, speel met siek kinders en ander kleuters, geboue verf, en herstelwerk aan geboue, opritte en voertuie.

Elkeen van die finaliste is dit eens dat die projekte hulle oë oop gemaak het vir mense wat nie so bevoorreg soos hulle is nie en dat die ervaring baie lekker was:

• Wenprojek: Ons Tuiste.

• Eerste prins: Rossouw Roux.

• Eerste prinses: Jo-Ané Pieterse.

• Tweede prins: Sebastian Malan.

• Tweede prinses: Lanica Brand.

• Mnr. Oosskool: Jandré Burger.

• Mej. Oosskool: Mia di Somma.