Gaste, Tommies besoek Oom Tom se graf
Tydens Hoër Tegniese Skool Tom Naudé se 75-jarige reünie het die leerlingraad en 'n paar uitgesoekte gaste Oom Tom se graf in die Polokwane Natuur Reservaat besoek.
POLOKWANE – Tydens Hoër Tegniese Skool Tom Naudé se 75-jarige reünie het die leerlingraad en ‘n paar uitgesoekte gaste Oom Tom, soos hy liefdevol bekendstaan het, se graf in die Polokwane Natuur Reservaat besoek.
Twee van die spesiale gaste was oom Tom se agterkleinseun (Tom Naudé) asook dié se seun (Mateo Naudé).
Tom het die geleentheid gehad om die skeepsklok wat deur sy grootoupa aan die skool geskenk is, te lui.
“Dankie, ek waardeer julle vir hierdie spesiale geleentheid wat julle hier hou. Dit is ‘n voorreg vir my en my seun om hier te kan wees.”
Vanessa Kachelhoffer, skoolhoof, het vertel van die Bybels wat elke gr. 12 leerders ontvang.
“In die 1960’s het Tom R5 geskenk sodat elke gr. 12 Tommie ‘n Bybel met ‘n spesiale Bybelvers en sy handtekening kon ontvang.
