“Ek het ‘n tweede kans op die lewe, danksy dr. André Rossouw,” sê Carolyn Neethling van die plaas Midway Fruits.
Carolyn is in Oktober gediagnoseer met borskanker nadat dr. Rossouw knoppe in haar bors ontdek het en haar dadelik na ‘n radioloog gestuur het vir verdere toetse. Dr. Gert van der Merwe, chirurg by Mediclinic in Tzaneen, het die operasie met groot sukses uitgevoer.
“Ek is nou heeltemal kankervry en dit is te danke aan dr. Rossouw en dr. Van der Merwe. En natuurlik die grootste dank aan God! Moenie onmiddellik Pretoria toe hardloop nie, die dokters in die Noorde is baie goed,” sê Carolyn.
Carolyn bedank vir dr. Rossouw dat hy haar kanker so vinnig gediagnoseer het. Sy bedank ook al die mense van Mokopane en haar familie vir al hulle gebede telefoon oproepe,besoeke en vir hulle bystand gedurende hierdie tydperk.
