Laat inskrywings steeds welkom vir Lentetrap
Bergfietsentoesiaste het tot môre (Vrydag) tyd om vir vanjaar se Panarottis Lentetrap in te skryf en kan van 17:00 tot 19:00 by Savannah Food Court registreer terwyl dié wat reeds aanlyn ingeskryf het terselfdertyd hul wedrennommers kan afhaal. Dié gewilde wedren word Saterdag in die Polokwane Wildreservaat gehou en inskrywingsgeld is R200 vir die 70 …
Bergfietsentoesiaste het tot môre (Vrydag) tyd om vir vanjaar se Panarottis Lentetrap in te skryf en kan van 17:00 tot 19:00 by Savannah Food Court registreer terwyl dié wat reeds aanlyn ingeskryf het terselfdertyd hul wedrennommers kan afhaal.
Dié gewilde wedren word Saterdag in die Polokwane Wildreservaat gehou en inskrywingsgeld is R200 vir die 70 km, R150 vir die 35 km en R60 vir die 15 km-pretrit terwyl ‘n tydelike lisensie R35 kos. Laatslapers kan nog op wedrendag van 06:00 tot 07:00 inskryf.
Die 70 km-deelnemers spring om 08:00 weg, die 35 km om 08:15 gevolg deur die pretrit om 08:30. Alle deelnemers wat die onderskeie wedrenne voltooi, sal medaljes ontvang.
Die wedren word ingevolge Cycling South Africa (CSA) se reëls en regulasies aangebied en niemand sal toegelaat word om sonder ‘n valhelm deel te neem nie.
Vir meer inligting skakel mede-organiseerder, Yolandi Bell by 082 456 5467 of Johan Kruger by 083 410 5645.
Storie: RC Myburgh
>>rc.observer@gmail.com
