Sewe rekords spat tydens jaarlikse Marius Lengton Gedenkbyeenkoms
Die 33ste Marius Lengton Gedenkbyeenkoms is die naweek met 17 deelnemende skole in die stad aangebied wat Saterdag op Hoër Tegniese Skool Tom Naudé se terrein toegesak het. Volgens atletiekafrigter, Danie Roux, was die standaard baie hoog en uitstaande atlete was in baan- en velditems te sien. Sewe rekords is verbeter deur Mukhetlwa Tshifura (o.14-200 …
Die 33ste Marius Lengton Gedenkbyeenkoms is die naweek met 17 deelnemende skole in die stad aangebied wat Saterdag op Hoër Tegniese Skool Tom Naudé se terrein toegesak het.
Volgens atletiekafrigter, Danie Roux, was die standaard baie hoog en uitstaande atlete was in baan- en velditems te sien.
Sewe rekords is verbeter deur Mukhetlwa Tshifura (o.14-200 m – 22,8 sekondes) van Tommies. Die ses ander rekords is deur atlete van die hoërskole Rob Ferreira, Ben Vorster en Nylstroom verbeter.
Nachelle Beetge van Hoërskool Ellisras en Chinique Brown van Hoërskool Pietersburg is onderskeidelik as junior en senior Victrix Ludorum-atlete aangewys terwyl Junior Mondlane en Nhlanhla Maseko van Hoërskool Rob Ferreira as junior en senior Victor Ludorum-atlete weggestap het. As gasheer het Tommies tien medaljes waarvan twee goud, vier silwer en vier brons verower.
Roux sê Tommies se Mukhetlwa Tshifura, is die eerste o.14-atleet van die skool wat daarin slaag om die 100 m onder 11 sekondes en die 200 m onder 23 sekondes af te lê. “‘n Talentvolle atleet wat dopgehou kan word,” meen hy.
Storie en foto’s: RC Myburgh
>>rc.observer@gmail.com
200 m-hekkies.
