Swemmers laat water spat by SA’s
Altesaam nege swemmers van die TUKS Mokopane Swemklub het die Limpoposkolespan gedurende Desember verteenwoordig tydens die Suid-Afrikaanse Skolekampioenskappe en spog prestasies los geswem.
MOKOPANE – Altesaam nege swemmers van die TUKS Mokopane Swemklub het die Limpoposkolespan gedurende Desember verteenwoordig tydens die Suid-Afrikaanse Skolekampioenskappe en spog prestasies los geswem.
Die volgende swemmers het ‘n plek in die top vyf van die finaal verwerf:
Heinrigh Strydom het ‘n gesogte bronsmedalje in die 200 m rugslag verower.
Morné van der Bank het deel gevorm van ‘n gedugte aflosspan wat ‘n bronsmedalje verwerf het en hy het ‘n vyfde plek in die 200 m rugslag behaal.
Bernice Laboff het ‘n vyfde plek in die 100 m borsslag, asook in die 200 m borsslag ingepalm.
Raymond Kockott het ‘n ‘n vierde plek in die 100 m vlinderslag opgeraap.
Franco Botha spog met ‘n vierde plek in die 200 m rugslag en ‘n vyfde plek in die 400 m vrysslag.
Ruben Glover, Adri Vorster, Dawie Muller en
Karel Smit het Limpopo trots verteenwoordig en hulle persoonlike beste gelewer.
