Mokopane onnies rol balle vir spanbou
Die doel van die dag was om spanbou te hou tussen die onderwysers van Ortloff's Preparatory School se kleuterskool tot gr. 7.
MOKOPANE – Die opgewondenheid was groot by die Potgietersrus Rolbalbaan verlede Vrydag toe 13 spanne opgedaag het vir Ortloff’s Preparatory School se eerste rolbaldag.
Die doel van die dag was om spanbou te hou tussen die onderwysers van die kleuterskool tot gr. 7.
Dit was ‘n heerlike dag met die Pink Pantherspan van Jessica van Graan, Mammy Ramoshaba, Leanne Scholtz en Emmerika Schlechter wat die wennertitel verower het.
Die skool beplan om meer sulke spanboudae te hou. “Dit was ‘n reuse sukses en almal het onmiddellik gevra wanneer ons weer so ‘n dag gaan reël,” vertel Nadien Holtzhausen, Ortloff’s onderwyser.
Die skool bedank die rolbalklub wat hulle geriewe beskikbaar gestel het, en die rolbalklublede wat die aksie saam beleef het.
“Ons wil baie dankie sê aan ons hele span onderwysers se oneindige energie, en dat hul dit soveel pret maak om ons skool se personeelkultuur en hartklop sterk te hou. Ons is dankbaar om so ‘n ‘FUNtastic’ Ortloff’s span te hê.”
