Beeld-trofeë vir 2 van Curro se rugbyspanne
Die o/15- en 0/16-rugbyspanne van Curro Heuwelkruin het die naweek in die eindstryde van die Beeld-trofee se kleinskole-afdeling op Schweizer-Reneke hul staal gewys.
POLOKWANE – Die o/15- en 0/16-rugbyspanne van Curro Heuwelkruin het die naweek in die eindstryde van die Beeld-trofee se kleinskole-afdeling op Schweizer-Reneke hul staal gewys.
Curro Heuwelkruin se o/15-span het verlede week in die halfeindstryd in Polokwane teen die span van Hoërskool Zeerust te staan gekom en met 27-8 gewen om na die eindstryd teen Hoërskool Koster deur te dring.
Die o/16-span van Curro Heuwelkruin het in hulle halfeindstryd in Polokwane ook teen ‘n Zeerust-span te staan gekom.
Hulle wen dié halfeindstryd teen Zeerust met 18-10 en dring so-doende deur na die eindstryd teen Schweizer-Reneke.
Die o/15-span het teen die span van Hoërskool Koster te staan gekom in die Beeld-trofee finaal en die wedstryd met 21-19 gewen.
Die o/16-span het in hul eindstryd teen die span van Hoërskool Schweizer-Reneke gespeel en met 22-16 gewen.
Die Kruinies het breëbors as oorwinnaars van die veld gestap.
