Oosskool se voëltjie-atletiek groot pret

POLOKWANE – Verlede Woensdag het die opgewondenheid vroeg al in die lug gehang by Laerskool Pietersburg-Oos se atletiekbane.

Die skool se atlete het aangetree vir die skool se jaarlikse voëltjie-atletiekbyeenkoms, gereed om mekaar die stryd op die baan en veld aan te sê.

Die gr. 1-atlete het aan 60 m naellope deelgeneem, terwyl die gr. 2- tot 7-atlete sake uitgespook het in verskeie veld- en baanitems.

Slegs een rekord is opgestel tydens hierdie byeenkoms. Jan-Hendrik Beyer het die dwarslat opgestoot tot ‘n indrukwekkende 1,58 m in die hoogspring vir seuns o/13.

(FOTO’S)