Piet Pot-atlete se triomf op die veld
DIE atlete van Hoërskool Piet Potgieter het verlede Vrydag die krane behoorlik oopgedraai teen Hoërskool Merensky, Hoërskool Ellisras en Hoërskool Louis Trichardt.
MOKOPANE – DIE atlete van Hoërskool Piet Potgieter het verlede Vrydag die krane behoorlik oopgedraai teen Hoërskool Merensky, Hoërskool Ellisras en Hoërskool Louis Trichardt.
Piet Pot se atlete het alles ingesit om aan die einde van die byeenkoms vir ‘n weghol-oorwinning te sorg.
HPP het geseëvier met 850 punte op die telbord, gevolg deur Hoërskool Merensky met 639 punte, Ellisras met 482 punte en Louis Trichardt met 440 punte. CG Kruger is aangewys as junior Victor Ludorum van die byeenkoms.
Die top 10 atlete is:
• Marnus Uys, 100 m vir seuns o/17 in 10,60 sekondes.
• Mirieck Griesel, gewigstoot vir meisies o/17 met 12,37 m.
• Luzaan Taljaard, gewigstoot vir meisies o/15 met 11,26 m.
• Soretha Kruger, werpskyf vir meisies o/19 met 35,97 m.
• Peter Tau, 1 500 m vir seuns o/19 in 4,05 minute.
• Sello Nyawene, 3 000 m vir seuns o/17 in 9,16 minute.
• Ashley Coleman, gewigstoot vir meisies o/17 met 11,12 m.
• Pontsho Ngobeni, 3 000 m vir seuns o/19 in 9,15 minute.
• Morgan Makhubela, 400 m vir seuns o/16 in 52,22 sekondes.
• Anje de Wet, gewigstoot vir meisies o/15 met 9,42 m.
