Motorfietse brullend in die bos by dié erediens
Motorfietsryers van in en om Polokwane, asook lede van die Doornbult-gemeenskap het Sondag 'n saamtrek by die Soetdorings Buiteklub bygewoon waar hulle ook 'n kerkdiens saam geniet het.
POLOKWANE – Motorfietsryers van in en om Polokwane, asook lede van die Doornbult-gemeenskap het Sondag ‘n saamtrek by die Soetdorings Buiteklub bygewoon waar hulle ook ‘n kerkdiens saam geniet het.
Motorfietsgeesdriftiges wat die kerkdiens op Sondag bygewoon het, het ook ‘n kaartjie gekry om ‘n gratis Sondagmiddagete by die klub te geniet.
Die diens vir die 180 gaste is gelei deur pastoor André de Lange en die lofprysing is deur die bekende sanger, Manie Jackson gelei.
“Baie dankie aan die publiek en die biker-vriende wat die kerkdiens bygewoon het. Dit was ‘n groot sukses en ons sien uit na die volgende diens,” het Peet Kruger, eie-naar van Soetdorings Buiteklub gesê.
Die volgende kerkdiens by Soetdorings sal op 15 Desember plaasvind. Dit sal die Bikers Kersdiens wees met Will Jordan wat die lofprysing sal lei.
