Afrikaanse musieklegende Gert van Tonder in stad
Afrikaanse liedjies van toeka se dae het weer nuwe lewe gekry toe Gert van Tonder, destydse lid van die gewilde Groep 2-sanggroep gaste tydens ‘n ontbyt by Koraal Aftreeoord in die stad vermaak het. Die geld wat ingesamel is, sal vir Koraal Aftreeoord se Hulpfonds aangewend word. Liedjies soos ‘Die padda wou gaan opsit’, ‘Daar …
Afrikaanse liedjies van toeka se dae het weer nuwe lewe gekry toe Gert van Tonder, destydse lid van die gewilde Groep 2-sanggroep gaste tydens ‘n ontbyt by Koraal Aftreeoord in die stad vermaak het. Die geld wat ingesamel is, sal vir Koraal Aftreeoord se Hulpfonds aangewend word.
Liedjies soos ‘Die padda wou gaan opsit’, ‘Daar is niks soos ware liefde’ en ‘Sproetjies’ waarmee Van Tonder en sy sangmaat, Sias Reyneke, in die sewentigs en tagtigs bekendheid verwerf het, het groot byval gevind en spesiale herinneringe teruggeroep. Van Tonder het ook ander bekende treffers soos ‘Something stupid’ en ‘Can’t help falling in love’ gesing.
‘n Plaaslike orkes, Tempo het ‘n paar items gelewer en orkesleier, Louwtjie de Lange, sê dat dit ‘n vooreg was om saam met so ‘n gevierde kunstenaar soos Van Tonder op te tree.
Storie, foto’s & video: BARRY VILJOEN
>>barryv.observer@gmail.com
