Pieties se doepa sterk genoeg vir klinkende oorwinnings
Hoërskool Pietersburg (PHS) se rugbyspanne kan vir die volgende jaar breëbors in die stad rondloop. Ondersteuners was hoopvol toe Tommies die eerste punte op die telbord kon sit en Pieties telkens tot op die doellyn gedryf het. Hul kon egter net nie daarin slaag om oor die doellyn te duik nie en het in die …
Hoërskool Pietersburg (PHS) se rugbyspanne kan vir die volgende jaar breëbors in die stad rondloop.
Ondersteuners was hoopvol toe Tommies die eerste punte op die telbord kon sit en Pieties telkens tot op die doellyn gedryf het. Hul kon egter net nie daarin slaag om oor die doellyn te duik nie en het in die tweede helfte stoom verloor, terwyl PHS elke geleentheid gebruik het om agter die pale te gaan kuier om die Bosveld Intervarsity met 39-12 te wen.
Dié wedstryd was ook deel van die Virseker-bekerreeks vir groot skole en Franco du Plessis, Tiaan Janse van Rensburg, Daneel Joubert en Driaan Kruger het drieë gedruk terwyl Martin Austen met drie doelskoppe en ‘n strafdoel geslaag het. Jaco Mulder het ‘n tweekuns behaal.
Nie een van Tommies se ander rugbyspanne kon daarin slaag om meer as vyf punte teen Pieties aan te teken nie en ‘n totaal van slegs 37 punte teenoor Pieties se 396 is aangeteken.
Die oumannewedstryd was soos gewoonlik ‘n hoogtepunt toe oudleerders van beide skole gewys het wat nog in hulle steek en hoe harde rugby gespeel word.
Tommie-hoof, Piet Holtzhausen, het Maandagoggend hard met leerders gepraat en sy ontevredenheid oor van die spanne se swak prestasie uitgespreek. “Die Bosveld Intervarsity is goed aangebied en PHS het uit hul pad gegaan om ‘n sukses daarvan te maak, maar ons het baie werk wat voorlê. Spelers sal skouer aan die wiel moet sit om hul spel te verbeter,” het hy gesê.
Pietie-hoof, Willie Schoeman, sê Tom Naudé se eerstespan het hom verras. “As Tommies vroegtydig kondisioneer en fiks is, het ons binne ‘n jaar of twee moeilikheid. Die tellings maak nie baie saak nie want dié hervestigde tradisie het die afgelope twee jaar goeie gees onder beide skole na vore gebring. Ons wil elke leerder, ouer en onderwyser bedank vir die suksesvolle aanbieding met opregte dank aan BB Motorgroep as hoofborg en al die ander borge wat die hartklop van die Bosveld Intervarsity is.”
Die Bosveld Intervarsity het verlede Maandag begin en twee skole het op verskeie gebiede kragte gemeet.
Vroeër die week het Pieties die oorhand in boogskiet, skaak en netbal gehad, maar kon nie op die jukskeibaan of sokkerveld die mas teen Tommies opkom nie. PHS se onderwysers het vir Tom Naudé ore op die rolbalbaan aangesit.
Storie, foto’s en video: RC Myburgh
>>rc.observer@gmail.com
Hoenderveloomblikke tydens gróót rugbykragmeting
Die harde rugbystryd tussen Hoërskool Pietersburg (PHS) en Hoër Tegniese Skool Tom Naudé se eerstespanne het vanjaar se Bosveld Intervarsity op ‘n hoë noot afgesluit.
Alhoewel Tommies al hul wedstryde verloor het, moet hulle nie onderskat word nie en die bordjies kan binne ‘n jaar verhang word.
Pieties het kookwaterrugby gespeel en was deurgans op die aanval.
Die dag is deur uitnemende rugby en goeie sportmangees gekenmerk met Driaan Kruger van PHS wat as Speler van die Eerstespanwedstryd aangewys is.
se oumanne word by die kantlyn platgetrek.
