Sasol Stoeiklub blink uit tydens kampioenskappe
Klub het 18 inskrywings gehad, waarvan 12 plekke behaal het
SECUNDA – Sasol Stoeiklub het op Saterdag, 25 April aan die Mpumalanga Ope Kampioenskappe in die Arena by Graceland Casino deelgeneem.
Altesaam 108 stoeiers van 29 stoeiklubs tussen 6 en 10 jaar het meegeding, asook 243 stoeiers van 11 jaar en ouer.
Die volgende stoeiers van Sasol Stoeiklub het trofees ontvang., ses jaar: Robbert Jonck, Stefan Slabbert en Rei van Niekerk.
Sewe jaar: Hans Schutte.
Agt jaar: Henco Coetzee.
Nege jaar: Jean Janse van Nieuwenhuizen, Ethan Möhr, Divan Mulder, Christo van den Merwe en Jordan Webb.
10 jaar: Jaden Grobler.
Stoffel Schutte (0/13 vrystyl en Grieks-Romeins en 54-58kg), Albert Swanepoel (kadet vrystyl en Grieks-Romeins en 85-100kg), Ernest Schreuder (meester vrystyl en 85-97kg) en Dolf Swanepoel (0/15 Grieks-Romeins en 58-63kg) het elkeen eerste plekke en goue medaljes ontvang.
Tweede plekke en silwermedaljes het gegaan aan Jayson Rokebrand (president vrystyl en 58-63kg) en Nathan Webb (kadet Grieks-Romeins en 58-63kg).
Vier stoeiers het derde plekke en bronsmedaljes verwerf.
Hulle is Aiden Gregory (vrystyl en 42-46kg), Dolf Swanepoel (0/15 vrystyl en 58-63kg), Nathan Webb (president vrystyl en 58-63kg) en Roberto Pieterse (0/15 Gieks-Romeins en 58-63kg).
Sasol Stoeiklub het 18 inskrywings gehad waarvan 12 plekke behaal het.
Die nasionale plekke van al die stoeiklubs wat Saterdag deelgeneem het, is nog nie bekend gemaak nie.
Vir meer inligting, skakel me. Lollie van den Berg by 082 343 7800.
