Martin Swart van Secunda sit hand by in ouetehuis op Standerton

’n Gekwalifiseerde ketelmaker van Secunda, mnr. Martin Swart, is al geruime tyd met gemeenskapswerk besig.

Hy is werkloos en help onder meer om skenkings van die publiek by die regte mense af te lewer.

Met sy kennis van liefdadigheidsgroepe, het hy nie die Kosmos Aftree-oord se beroep op vrywilligersbystand verontagsaam nie.

Martin en sy verloofde, me. Mariaan van Zyl, het ‘n spannetjie van sewe kinders.

“Ek het my kinders geleer om selfs hul spaargeld te gebruik om ’n brood vir ’n hawelose te koop,” het Martin gesê.

Hy het op Dinsdag 31 Maart uit Secunda na Standerton vertrek.

“Ek sit dan net by die huis en niksdoen en help waar ek kan,” het hy mee afgesluit.

Lees ook: Kosmos Aftree-oord benodig dringend twee opgeleide verpleegpersoneel