Cullinan kraai koning in eindstryd

Cullinan Rugbyklub het op 24 Augustus die Harlequins in die liga-eindstryd geklop. Die wedstryd was op Cullinan se tuisveld beslis en het met ’n eindtelling van 20-10 geëindig.

Die manne van die wedstryd was Jaco Beneke as die voorspeler en Wynand Visser as agterspeler.

André van der Merwe, Cullinan se hoofafrigter het gesê die manne het die hele seisoen hul harte uitgespeel en hulle verdien hierdie oorwinning.

Die puntemakers van die wedstryd was Ruben Behrens, Markus von Loggerenberg, Emile Agenbag en Tersius Purvis.

“Dit was ’n harde wedstryd, maar albei die spanne het geskitter,” het Van der Merwe gesê.