ELJV hou sportskietdag
Skuts het na vyf tabelle geskiet: Springbok 300m, Kol 300m en nader, Blouwildebees 150m, .22-kaliber en swaargeweer.
31 skuts van die Ermelo Laeveld Jagtersvereniging het Saterdag hul vernuf getoets tydens ’n kompetisie op die Klipfontein-skietbaan.
Skuts het na vyf tabelle geskiet: Springbok 300m, Kol 300m en nader, Blouwildebees 150m, .22-kaliber en swaargeweer.
Die uitblinkers was Peet van der Merwe wat met die Blouwildebees ’n voltal van 100 punte geskiet het en Pieter Ackermann, Piet van den Heever en Jaco Swart wat in die .22-afdeling voltalle geskiet het.
Die individuele wenners met ’n puntetelling uit 260 was Piet van den Heever (223), Peet van der Merwe (188), Dolf Richter (163), Tevern Venter (162) en Pieter Ackerman (161).
Onder die juniors was Arno Oosthuizen eerst en Chris de Beer tweede.
Onder die vroue was Elize van den Heever met 141 punte die wenner, gevolg deur Minette de Jager (78) en Christelle Aucamp.
Dolf Richter (162) was die wenner onder die veterane, gevolg deur Dirk Snyman (132) en David Smith.
