SECUNDA – Netbalspanna het verlede week weer kragte gemeet in die binnenshuise netballiga by Lake Umuzi.
Die Silent Assassins en die Underdogs het Woensdag, 5 Maart teen mekaar te staan gekom en die Silent Assassins het die Underdogs met ’n telling van 42-13 geklop.
Die Hot Rods en die Sapphires het ook kragte gemeet en die Hot Rods het die Sapphires met ’n telling van 47-31 geklop.
Die Hot Rods het die Disco Ninja’s ook gewys wie is baas in hul wedstryd Vrydag, 7 Maart en die wentelling was 65-20.
Die spanne wys hul staal weer vandeesweek en die Hot Rods en die Purple Frogs het Maandag, 10 Maart kragte gemeet, die Puss & Boots-span en die Sapphires het Woensdag, 12 Maart gespeel asook die Silent Assassins en die Aftershock-span.
Belangstellendes is welkom om te gaan kyk hoe die Intoxicated-span teen die Aftershock-span, die Underdogs teen die Sublime-span en die Stingers teen die Intoxicated-span meeding.
Die wedstryde begin om 5nm by Lake Umuzi.
Vir meer inligting, skakel me. Adelle Grové by 072 262 4634.
