TRICHARDT – Ruiters van die Trichardt Perderuitersentrum het vanaf 4 tot 6 Oktober aan die nasionale Westelike Ruiterspele op Bronkhorstspruit deelgeneem en presteer, asook hul provinsiale kleure in dié sportsoort verwerf.
Die afrigter en eienaar van die sentrum, me. Rhode van Staden, Shekanyah Cochrane, Jenni-Lee Redman en Clarissa Olckers het almal aan die vlak 1-afdeling deelgeneem.
Me. Van Staden het 34ste, Cocharane 18de, Redman 26ste en Olckers 35ste geëindig.
Altesaam 55 deelnemers het in al dié afdelings deelgeneem.
Larissa Cronje het aan die vlak 0-afdeling deelgeneem en 12de uit 19 deelnemers geëindig.
Estiaan Smit het aan die vlak 2-afdeling deelgeneem en 48ste uit 57 deelnemers geëindig en Liam van Niekerk het aan die vlak 3-afdeling deelgeneem en 36ste uit 44 deelnemers geëindig.
Magdaleen van Staden het eerste geëindig in die afdeling vir ruiters met gestremdhede.
