SECUNDA – Richard Swanepoel het op Saterdag, 25 Oktober die 100km-padfietswedren wat deur MegChem Fietsryklub aangebied is, gewen.
Fietsryers het vroeg Saterdagoggend by Hoërskool Secunda weggespring en fietsryers kon kies tussen 100km, 54km en 20km.
Die eerste 20 mans van die 100km het aan die straatmyl deelgeneem.
Die tweede man wat oor die wenstreep in die 100km-wedren gejaag het, was Hendré Knoetze en Louis le Grange was derde.
Onder die vroue was Ronet Human eerste, met Lynette Jones tweede en Marika Knoetze derde.
Rika Rossouw was eerste in die afdeling vir vroue tussen 30 en 39 jaar oud en Willem Venter was die eerste junior jaer (seuns tussen 17 en 18) oor die wenstreep.
Stephan van Niekerk het die afdeling vir S0/16 gewen en Stehan Muller het tweede geëindig.
Shaun Scott het die afdeling vir mans tussen 30 en 49 jaar oud gewen, terwyl Adriaan Lambrechts tweede geëindig het en Piete Avenant derde.
Pieter Jordaan het die bergfietsafdeling gewen en Ruan Louw was tweede en Conrad van der Merwe derde.
In die tandemafdeling in die 100km-wedren het Gerhard Koekemoer senior en Gerhard Koekemoer junior eerste oor die wenstreep gejaag en Alwyn Prinsloo junior en Nadine Pretorius het tweede geëindig.
In die straatmyl was Knoetze die wenner met André Human in die tweede plek en Le Grange derde.
In die 54km-wedren het Stefan Kruger as die wenner onder die mans weggestap en Estee van Zyl was die wenner onder die vroue.
In die afdeling vir S0/14 was Rickardo Broxham eerste, Brendan Phillips was tweede en Liyaaqat Hoosen derde.
Luchelle Phillips was eerste in die afdeling vir D0/14 en Heather-Lee Holliday was die wenner in die afdeling vir D0/16.
In die meester mansafdeling (mans bo 60) het Jan Jacobs eerste geëindig, Johan Stofberg was tweede en Sakkie van Heerden derde.
Louis Bosch was die wenner in die afdeling vir mans bo 50 en Thomas Steenkamp het tweede geëindig en Steve Clark derde.
Janita de Villiers het die afdeling vir vroue bo 50 gewen, Adri Prinsloo het tweede geëindig en Marian Marais was derde.
Carin Booysen was die wenner in die afdeling vir vroue tussen 40 en 50 jaar oud met Benita Phillips in die tweede plek en Angelique Broxham derde.
Constant Coetzee was die eerste man oor die wenstreep in die bergfietsafdeling, terwyl Willie Benson tweede geëindig het en Kolbe Lubbe derde was.
In die 20km-wedren was Francois de Jager die wenner in die afdeling vir S0/10 en Mattie Venter was tweede.
Jeandré Moolman was die wenner in die afdeling vir S0/12 en Ethan Smith het tweede geëindig en Kyle Wasilewski derde.
