Mullies Netbalfees bereik sy doel

Laerskool Muldersdrif het hul netbaltalente ten toon gestel tydens hul eerste Mullies Netbalfees op Vrydag, 21 Februarie.

Volgens Mullies se bemarkingshoof, Janneke van Biljon, was dit die eerste netbalfees van sy soort. Weens die reën is die fees by die Key West Aksiesportsentrum gehou.

“Ons was die gasheer vir die toernooi, en deelnemende skole het Dr Havinga, Midvaal en Van Riebeeckpark laerskole ingesluit,” het sy verduidelik.

“Dit was ‘n vriendskaplike toernooi waar dogters van o9 tot o13 kon deelneem om hul vaardighede te toets, te slyp en te wys wat in hulle steek voor die amptelike seisoen afskop,” het sy bygevoeg.