AW014095
ISAZISO SOKUHLOLWA OKUYISISISEKO (BASIC ASSESSMENT) UHLELO LOKWAKHIWA KWEZINDLU KANYE NENGQALASIZINDA EHLANGENE NALO KU- ERF 24872, EPINETOWN, KUMASIPALA OMKHULU WASETHEKWINI, KWAZULU-NATAL. Kwaziswa umphakathi ngokwemigomo yeMithethonqubo ye- Environmental Impact Assessment (EIA), eshicilelwe ngaphansi kwesaziso sikahulumeni No. R982 (njengoba ilungisiwe), ngokwemigomo yezigaba 24(5) no-44 zoMthetho i-National Environmental Management Act 107 ka-1998, mayelana nesiphakamiso soMnyango Wezokuhlaliswa Kwabantu KwaZulu-Natal sokwakha izindlu kanye nengqalasizinda ehambisana nazo ku-Erf 24872, ePinetown, kuMasipala waseThekwini, KwaZulu- Natal. Imininingwane yephrojekthi: UMnyango Wezokuhlaliswa Kwabantu KwaZulu-Natal uhlose ukwakha uhlelo lwezindlu ngenhloso yokuhlinzeka ngezindlu emindenini edinga izindawo zokuhlala kanye nokunciphisa ukusilela kwezindlu kuMasipala waseThekwini. Indawo okuhlongozwa kuyona loluhlelo itholakala ku-Erf 24872 ePinetown futhi iphethwe yiwo uMnyango Wezokuhlaliswa Kwabantu KwaZulu-Natal. Le phrojekthi itholakala eningizimu yePinetown, eduze kweMariannhill toll plaza, KwaZulu-Natal. Kuzofakwa isicelo se-Basic Assessment ku-EDTEA ukuze kuqinisekiswe ukuhambisana nemithetho yezemvelo kanye nemigomo ehambisanayo. Indawo: Uhlelo oluhlongozwayo lutholakala ku-Erf 24872, ePinetown, kuMasipala Omkhulu waseThekwini esifundazweni saKwaZulu-Natal, ezindaweni zokuma: 2951`50.77″S, 3047`32.16″E. Mayelana nalokhu okungenhla, kuqhutshekiswa nenqubo ye-Basic Assessment mayelana nesicelo sokugunyazwa ukuthikamezeka kwemvelo. Iziphathimandla eziphethe lolu daba yiKwaZulu-Natal Economic Development, Tourism & Environmental Affairs (EDTEA). Ukubamba iqhaza komphakathi kanye nokutholakala kwemibhalo ye-BA ukuze ihlolwe futhi kuphawulwe: Njengengxenye yenqubo yokubamba iqhaza komphakathi, abantu abanentshisekelo nabathintekayo (I&APs) kanye nababambiqhaza bayamenywa ukuthi babhalise, babambe iqhaza futhi banikeze imibono yabo kanye nentshisekelo abanayo kulolu hlelo, kumuntu oxhumene naye okhonjisiwe ngezansi, phakathi komhla zingama-20 kuMbasa kuya mhla ziyi 06 kuNhlaba 2026. Imibhalo ye-BA izotholakala ukuze ibuyekezwe phakathi nezinsuku ezingama-30 kusukela ngomhlaziyi-07 kuNhlaba kuya mhlaziyi-08 kuNtulikazi 2026 kulezi zindawo ezilandelayo: `Shallcross Public Library, Everest St, Shallcross, Queensburgh, 4093 `Amahhovisi e- Triplo4 Sustainable Solutions (Suite 5, The Circle, Douglas Crowe Ave, Ballito Business Park, Dolphin Coast, 4420); or `Iwebhusayithi ye-Triplo4 (www.triplo4.com). Imininingwane Yokuxhumana: Abantu abanentshisekelo nabathintekayo (I&APs) bayamenywa ukuthi babhalise ngokuthumela amagama abo, imininingwane yokuxhumana kanye nentshisekelo yabo kule phrojekthi, kanye nokuthumela noma yimiphi imibono kubeluleki ababalulwe ngezansi: Lynn Madziwanzira
Mthabiseni Qwabe Triplo4 Sustainable Solutions P.O. Box 6595, Zimbali, 4418 Tel
032 946 3213 E-mail
lynn@triplo4.com
mthabiseni@triplo4.com Date: 16 kuMbasa 2026
Reference Number: AW014095
