Sterte swaai soos die sente inrol by plaaslike DBV se fondsinsameling
Die Diere Beskerming Vereniging het nog steeds hulp nodig. As jy wil help bel gerus 013 650 2321.
Die fondsinsameling inisiatief wat die afgelope naweek by die Dierebeskermingsvereniging (DBV) plaasgevind het, was ‘n blaffende sukses.
Lekker lewendige optredes van plaaslike sangers en kleurvolle stalletjies het die atmosfeer ‘n heerlike kuier Saterdag 26 Augustus geskep.
Entrepreneurs het ietsie van alles ten toon gestel, van tuisgebak tot die mooiste kussings, voorskote, bedsokkies en natuurlik produkte vir die viervoetige ‘kinders’.
Sien die video hier – so het almal lekker saamgekuier by die plaaslike DBV se pretdag op 26 Augustus.
Die idée vir die fondsinsameling is ‘gebore’ kort nadat die WITBANK NUUS berig het oor die nood by die instansie.
Help the SPCA find loving homes for loving animalshttps://t.co/7emA591XGS #SPCA #dogs #cats #animals @WitbankN
— WitbankNews (@WitbankN) August 26, 2023
“Ons het R2 800 ingesamel,” het die organiseerders van die dag Joey Taljaard en Michell Petzer gesê.
Syfers wat deur die DBV bekend gemaak is, wys hoe nodig fondse is.
In die afgelope finansiële jaar het die vereniging 2 510 diere in hulle sorg gehad waarvan net 351 aangeneem is.
Die geboue het dringend ’n lagie verf nodig en die omheining moet ook vervang word.
“Hierdie was die lekkerste dag. Die weer het mooi saamgespeel en ons het baie pret gehad,” het een van die uitstallers Yolande Kemp-Bezuidenhout gesê.
As jy betrokke wil raak en help om die las te verlig kan jy die DBV bel by 013 650 2321.
Wat is jou opinie?
Stuur vir ons ’n epos na info@witbanknews.co.za of bel ons by 013 656 2490
- Vir meer brekende- en gemeenskapsnuus, besoek gerus ons webtuiste.
- Jy kan ons ook volg op sosiale media platforms: Facebook, Twitter of Instagram
HET JY GEWEET?
Kliek op die woorde wat in kleur uitgelig is om meer te lees oor verwante temas.
