’n Oop stuk veld in Monastraat was vanoggend ’n miernes van bedrywigheid nadat ’n vuurwapen wat Saterdagaand tydens ’n huisroof gesteel is, daar gevind is.

Nadat ’n tuinwerker laat weet het dat ’n vuurwapen in die veld gevind is, het SACCW se span die gebied fynkam.

Hulle het ook die gesteelde karsleutels gevind wat die diewe tydens die huisroof in Paarlstraat gesteel het.

Volgens Frik van Dyk van SACCW is daar ook koeëldoppies op die toneel gevind.

Francois Steenkamp het die vuurwapen en karsleutels as sy eiendom uitgeken. Dié pa het gesê sy seun, Dirkie, is steeds in die intensiewesorgeenheid.

“Dokters het die skade in sy buik reggemaak. Dit gaan onder omstandighede goed met Dirkie,” het Francois gesê.

Hy het ook gesê dat hy vandag sy ander seun, Fransie, se lyk moet gaan uitken.

LEES MEER: Man doodgeskiet, broer ernstig gewond

Fransie is op 5 September tydens die huisroof noodlottig gewond.

Die polisie se woordevoerder, AO David Ratau, het gesê hulle ondersoek ’n saak van huisroof, moord en poging tot moord.

‘n Man is gisteraand tydens ‘n huisbraak in Hoëveldpark doodgeskiet en sy broer ernstig gewondhttps://t.co/HUh2sHXd4T @ZitaGoldswain @WitbankN #Steenkampbroers #Paarlstraat #roof

— WitbankNews (@WitbankN) September 6, 2026

Jou stad, jou storie soos dit gebeur. Bly op hoogte met die jongste nuus met WITBANK NUUS,

Volg ons op  website, Facebook, X,  Instagram or TikTok

Epos: info@witbanknews.co.za