Margaret Claassen het op 31 Augustus 80 jaar oud geword en met ’n lekker partytjie bederf wat deur haar kinders en kleinkinders gehou is. Sy is die afgelope 46 jaar ’n inwoner van eMalahleni.
Margaret is gebore in die Paarl, Kaapstad in 1934 en het in Jan van Riebeeck skool gegaan. Sy is getroud met Johan Claassen wat in die jaar 2002 oorlede is. Margaret is 16 jaar ’n inwoner van Edenpark aftree oord. Sy is baie betrokke by die aktiwiteite wat by Edenpark aangebied word.
Op 80 gee sy steeds oefeninge, en nie sommer enige oefeninge nie, hulle oefen met twee liter leë koeldrankbottels wat vol sand is. Sy is jonk van gees en drink omtrent geen medisyne nie.
Ons wil dankie sê aan ons Hemelse Vader dat Hy haar solank vir ons gespaar het en dat sy so ’n goeie gesondheid het.
Margaret het drie kinders, 11 kleinkinders en nege agterkleinkinders.
Ons wil haar net alles van die beste toewens en dankie sê vir al haar liefde en geduld deur die jare.
