Wanneer woorde krag dra en jong stemme hul sê kom sê, weet mens daar’s iets besonders aan die gang. So het vyf talentvolle redenaars van Laerskool Concordia hul stemme laat hoor aan die suidpunt van ons land.
Bastian Jansen van Vuuren, Markus de Vries, Engela Jansen van Vuuren, Lilitha Mahlasela en Hope Phalakathsela het op 5 en 6 Augustus aan die ATKV se Nasionale Redenaarsfinaal in die Kaap deelgeneem.