Alhoewel die weer beslis nie die afgelope naweek saamgespeel het nie, het personeel, leerders en vriende van Hoërskool Die Anker steeds voortgegaan om die skool se 10de bestaansjaar, tydens ‘n feesnaweek te vier.
Vrydag, terwyl die son darem nog warm gebak het, het die verkskillende grade teen mekaar meegeding tydens ‘n Wêreldbeker Boeresport-byeenkoms. Drie-been-resies, kruiwastoot, sakresies en sweepklap was maar ‘n paar van die items waarin die deelnemers hul vernuf moes beproef. Donika van Rensburg (links) en Chanre Joubert het Ierland as tema gekies.
Die “koninginge”, al die pad van Engeland, is (van links): Philanie Geldenhuys, Antolize Booyens, Megan Cothill, Anneré Maree en Magen Lizemore.
Die verskillende grade het lande van oor die wêreld verteenwoordig en daarvolgens aangetrek.
Talita Nel en Marlie Britz het hul graad se optog tydens die prettige boeresport byeenkoms gelei.
