Die twee verdagtes wat gearresteer is vir die moord op maj Coert Jordaan (39) is Vrydag borg geweier toe hulle vlugtig weer in die Springs Landdroshof verskyn het.
Beide die verdagtes het Donderdag in die hof verskyn waarna die saak tot Vrydag uitgestel is. Slegs een van die mans het aansoek om borg gedoen.
Landdros Cornel Pretorius het die aansoek om borgtog geweier.
Die twee word aangekla van Jordaan se moord, besit van ongelisensieerde vuurwapens, roof met verswarende omstandighede, asook die besit van ‘n gesteelde voertuig.
Maj Coert Jordaan, wat die bevelvoerder van die Ekurhuleni Metro Polisiediens se Berede Eenheid was, is op 27 Januarie 2016 vermoor terwyl hy by Aston Lake, in Springs, visgevang het.
Sy liggaam is op die dag, ongeveer 2.30nm, in die gras ontdek. Daar was steekwonde aan sy liggaam.
Lees ook:
EMPD lid langs viswater vermoor
Majoor Coert Jordaan se vrou praat met die Herald oor haar man se dood
Moord op maj Jordaan: Ma praat
Honderde betoon laaste eer aan vermoorde maj Coert Jordaan
Volg ons:
Ontvang die nuutste nuus op jou foon:
WhatsApp nommer: 0794306641 (voeg ons by jou kontaklys en stuur jou naam en van op WhatsApp)
