Leendert Koekemoer, ‘n graad vier leerder aan die Laerskool Dalview het die jaar op ‘n hoë noot afgesluit en verskeie toekennings by die skool se onlangse prysuitdeling ingepalm. Hy is as die sportseun van die jaar, veelsydigste junior sportseun, junior landloopatleet van die jaar (seun), junior tweekampatleet van die jaar (seun) en junior swemmer van die jaar (seun) aangewys.
