Die Fight St vegters wat tydens die Battle of the East presteer het, is voor Marlo Strydom (twee brons medaljes), Drikus Otto (twee silwer en 'n brons), Luandre Setan (twee brons), en Luke Weston (goud, silwer en twee brons). In die tweede ry is Zayden Paich (silwer), Zavier Saunders (goud, silwer en brons), Hennie Rademeyer (goud en twee silwer), Keagan Williams (twee brons), en Luhann Kirsten (drie silwer). In die derde ry is Lihan Steyn (goud en brons), Hartwich Kirsten (silwer en brons), Anke Strydom (twee silwer en brons), Alenke de Beer (drie goud), Alet van Winkel (bestuurder) en Chimmy van Winkel (afrigter). In die vierde ry is Sarel Steyn (afrigter), Emma Golden (goud), Dewald Greyling (goud), Ryan Coetzee (silwer), Kaitlyn Botha (twee goud en brons) en Francois Ackerman (afrigter). Agter is Darian Coetzee (silwer), Albert Wright (drie silwer), Danie Greyling (afrigter), Charmaine Venter (afrigter) en Chane Dudzus (afrigter). Foto: Adele Louw (Carletonville en Fochville Herald)
Verskeie vegters van die Fight St-skopboksklub het verlede naweek uitstekend presteer tydens die Battle of the East-kompetisie by die Brakpan-sportgronde.
Die byeenkoms, wat op 24 Oktober as die laaste groot kompetisie van die jaar aangebied is, het meer as 250 deelnemers van regoor Gauteng, die Noord-Kaap en KwaZulu-Natal gelok.
Ten spyte van die strawwe kompetisie het die vegters van Carletonville verskeie medaljes losgeslaan.
Volgens die klub se afrigter, Shihan Chimmy van Winkel, was die byeenkoms van kardinale belang om fiks te bly voor die feestyd.
Die skopboksers berei hul reeds voor vir die Gauteng-proewe, wat einde Januarie sal plaasvind.
At Caxton, every story is written by humans. We use AI only to perform quality checks - never to generate the news. Happy reading!
Adele has been in the community media since 1997, first in Mpumalanga and since 2008 in Gauteng, and is passionate about giving a voice to residents of all communities.
