Anja Saaiman is ‘n finalis in die Toddler and Tween World-kompetisie en het besluit om as deel van die kompetisie, iets vir ons viervoetige vriende te doen. Hoewel Anja net agt jaar oud is, het sy ‘n insameling gereël wat baie ouer mense haar nie sal kan nadoen nie.
Sy het haar nie deur die inperkingstyd laat afskrik nie en het, ondanks die feit dat die insameling tussen 1 Februarie en 31 Julie plaasgevind het, steeds ‘n verskeidenheid honde- en katkos vir die DBV en ander produkte soos komberse, ingesamel.
“Ons waardeer die skenking baie,” sê die voorsitter van die DBV se bestuurskomitee, mnr. Piet Groenewald. Intussen is daar steeds verskeie pragtige honde en katte in die DBV se hokke wat wag dat iemand hulle huis toe neem.
Enige iemand wat meer wil weet, kan die DBV by (018) 788 6262 skakel. Hul hokke in Beersterstraat in Carletonville, agter die silo’s, is weeksdae van 09:00 tot 16:00 en Saterdae van 08:00 tot 11:00 oop vir die publiek.
