Sewe Nuwejaarsbabas het vanjaar by Heidelberg se twee hospitale hul opwagting gemaak.
Drie seuns en drie dogters is in Heidelberg Hospitaal gebore.
Lea-Mari Kriel se trotse ouers Zander en Mari het haar om 15:20 op 1 Januarie in Life Suikerbosrand Hospitaal verwelkom. Sy het 3.8kg geweeg en is 58cm lank. Dit is die Balfour-egpaar se tweede dogtertjie en die baba (wat op 22 Desember verwag is) het haar ouers tot 1 Januarie in afwagting gehou.
Botshabo Boroko van Nigel se babadogter het om 06:30 eerste haar opwagting in Heidelberg Hospitaal gemaak. Sy het 3.640kg geweeg. Catherine Baleseng van Heidelberg het om 12:00 geboorte aan haar dogtertjie van 4.06kg gegee met Sizeka Mangesi van Ratanda wat haar seuntjie om 16:05 verwelkom het. Hy het 3.220kg geweeg.
Die verpleegpersoneel het skaars tyd gehad om asem te skep toe Nonkululeko Mathebula van Zonkizizwe se seuntjie om 18:25 sy opwagting gemaak het. Hy het die skaal op 3.440kg laat stilstaan. Nqebekazi Qulu van Marievale se dogtertjie is om 19:40 gebore en het ‘n skrale 2.730kg geweeg. Die laaste baba van Amanda Mbonani van Devon het om 10:45 haar opwagting gemaak. Sy het 3.210kg geweeg.
Life Suikerbosrand Hospitaal het geen Kersbabas gehad nie, maar by Heidelberg Hospitaal is vier dogtertjies op 25 Desember gebore.
